अलगाउज आँगना व्यथा औरी ,
मुंसुकी छाँटि व्यंग भर दौरी ।
मुँह बिजकल नियत बा खराब ,
घोर दुसुमन बनल देयाद बैरी ।
देयाद देयादी जरी भईल भौंरी ,
हर बात में हरदम जोरा-जोरी ।
दाजाहिसी देखजरूआ भईल ,
घोर दुसुमन बनल देयाद बैरी ।
ठेन बेसहेलन धूरी जेवर बरी ,
रेर हरदिन करे ढेरी बलजोरी ।
भोज- भवदी सभ छुट गईल ,
घोर दुसुमन बनल देयाद बैरी ।
चाल-ढाल बात -बतकही गैरी ,
बुझल धधकावेले खोरी-खोरी ।
अपनउज भाईचारा सभ गईल ,
घोर दुसुमन बनल देयाद बैरी ।
- उमेश कुमार राय
जमुऑंव , भोजपुर ( बिहार )
You, सुभाष पाण्डेय, राम बहादुर राय and 24 others
8 comments
Like
Comment
Share
